Monday, June 4, 2012

No awan anus, awan pirak, Atanud!

 
Adu nga anus ti masapul tapno adda isaang. Ikarkarigatan daytoy a pamilia, a naggapu pay iti Pangasinan, ti agisursor kadagiti dadduma a probinsia kadagiti tagilakoda a kaaduanna a naaramid iti kawayan ken way tapno adda pamataudanda iti gastosenda iti inaldaw ken dadduma pay a kasapulan. Kaaduanna nga iti sango ti munisipio ti pakadanonanda nga ili ti pagpuestuanda a maturog tapno adda talgedda a mangpalabas iti rabii. Iti kabigatanna, ituloydanto manen ti mangunor iti awan patinggana a dalan tapno isursorda dagiti tagilakoda. (Dexter Marin Fabito)

Dua a seminar ti maangay

Seminar iti lengguahe ken panagsurat, maangay iti La Union ken Cagayan Dua a seminar iti lengguahe ken panagsurat ti nayeskediul a maangay iti daytoy a Hunio 15 ken iti Hunio 16-17 iti La Union ken iti Cagayan, kas panagsaganadda.

Isayangkat ti Sir Pelagio Alcantara Development (SPADE) Foundation ken ti Gobierno Probinsial ti La Union iti maikadua a gundaway ti Seminar iti Panagsurat iti Iloko (Iluko/Ilokano) inton Hunio 15, 2012 iti Diego Silang Hall ti Kapitolio ti probinsia, kas impakaammo ti SPADE.

Naawis nga aglektiur da Bannawag Editor Cles B. Rambaud ken mannurat iti Bannawag Mario Neyo Valdez maipapan iti ortograpia ken panagsurat iti salaysay, kas panagsaganadda.

Aggapu dagiti makiseminar iti Kapitolio ken kadagiti 19 nga ili ken ti kakaisuna a siudad (San Fernando) ti La Union, agraman iti DepEd. Idauluanto ida ni Adamor Dagang, Dept. Head ti Provincial Information and Tourism Office (PITO) ti La Union.

Mainaig iti daytoy, kinuna ti SPADE a masegseggaanen ti pannakaipaulog ti “Iloko Code of La Union” iti daytoy a bulan, a mangitandudo iti tawidtayo a pagsasao.

Maysa met a seminar-workshop iti panagsurat iti sarita a nabuniagan iti “Panagkayas Kadagiti Balikas” ti pagtinnulongan nga angayen ti GUMIL Cagayan ken ti Alex Vicente Yadao Literary Foundation inton Hunio 16-17 iti Lakay Fabian Hall of Literature, Centro 2, Sanchez Mira, Cagayan iti panangsangaili ti pamilia da Freddie ken Olive Masuli.

Panggep ti nasao a seminar-workshop a patademen pay ti kabaelan dagiti mannurat a Cagayano iti panagsurat iti sarita iti Iluko tapno pumigsa met ti maitulongda iti pannakapatibker pay ti nakayanakan a lengguahe. Atendaran daytoy dagiti Ilokano a mannurat iti Cagayan ket agserbi a lecturer-panelist da Roy Vadil Aragon, dati a Bannawag Editor Dionisio S. Bulong ken dati a Bannawag Managing Editor Juan S.P. Hidalgo, Jr.

Libre ti rehistrasion ngem maipalagip ketdi kadagiti agatendar ti panangitugotda iti maysa a bukodda a sarita para iti workshop. (Naipablaak iti Bannawag, Hunio 11, 2012 a bilang.)

Thursday, May 10, 2012

Treasured moments at La Union

At DMMMSU Bacnotan, La Union.(courtesy of Ariel S. Tabag)


Seated: From left. Johmar R. Alvarez, DMF, Arthur P. Urata, Dionisio S. Bulong, Vilmer V. Viloria, Dr. Freddie Pa. Saniata Roy D. Aragon. Back: Jimmy C. Vivit, Daniel Nesperos, Ronnie Es. Aguinaldo, Jobert Ma. Pacnis, Rolando Seguro, Joel L. Bagasol and Roy V. Aragon.

From left: Roy V. Aragon, Daniel Nesperos, Alex V. Yadao, Arnold (Miks) Pascual Jose, DMF

 
.

From left: Ben Pacris, Baldovino Ab. Valdez, Herman Cardenas, DMF, Rogie Baysa and Stephen Balanza


At Riverfarm restaurant. (courtesy of Roy V. Aragon)


.

Tuesday, May 8, 2012

Street dancers of Balingit P.C.

Dagiti street dancers ti Balingit P.C. bayat ti inda panagkumpas ken panaglung-ay iti amin a kabaelanda iti dalan ti Centro, Pamplona, Cagayan tapno laeng maidaydayaw ti lugar a nakaikalian ti kadkaduada. Ket, immawer amin a bannog ken puyatda a nagsanay ken nagpabuya idi maamuanda a nairamanda kadagiti lima a nangabak. Congratulations, ubbing! You made it!


Monday, April 30, 2012

Sunday, April 15, 2012

Adtoy man ti pagpa-TB

Pagpa-TB as in tangken - bussog. Naimas pay a maadobo ngem ti laeng ulona ti alaen no kua. Nupay kayatko ti agpapas nga agsida, saggabassit laeng ta awan met ni baket iti sibayko a kagiddanko a mangan.


With matching sawsawan a suka ken sili.


Ne, adda pay salad nga uggot ti kamusi.

Mangantayo man iti sinuman

Ramananyo man daytoy sinuman, kakabsat. Nagimasen no adda pagpabulon  a nalamiis a mango juice wenno pinneapple juice.



Saturday, April 14, 2012

Friday, April 13, 2012

Dagiti nangabak iti 1st ALVIYA ken 14th AMMAFLA



Maysa nga announcer iti radio ken maysa a mangal-ala iti kinamaestro ti nangyalat iti Umuna a Gunggona iti Salip iti Sarita ti 1st ALVIYA Literary Foundation, ken Salip iti Sarita Para Kadagiti Agdadamo a Mannurat ti 14th AMMA Foundation Literary Awards, kas panagsaganadda.

(basaen ti tuloyna. . .)

Cabie PINILI ken AVAIL winners


Adtoy dagiti mannurat a nangabak iti dua a salip iti literatura: iti 4th Prof. Honor Blanco Cabie Premio Iti Naisurat Iti Literatura Ilokana (Cabie PINILI)-Daniw a Para Ubbing, ken iti Salip iti Daniw ti 14th Abuan-Valdez Awards for Iluko Literature (AVAIL), kas impakaammo dagiti Secretariat dagiti dua a salip:

(basaen ti tuloyna. . .)


Wednesday, April 11, 2012

Itlog ti Abuos

Malagipko la daydi panagsidami iti itlog ti abuos (kinirog) kada Apo Board Viloria idiay Claveria, Cagayan.(pammadayaw ni Elizabeth Burgos Pilar daytoy a ladawan).


Monday, April 2, 2012

Mangngaggos in Bangui, Ilocos Norte

Ronnie Es. Aguinaldo, Derick Marcel F. Yabes, Me, Narglon Utanes

Me, Narglon, Dr. Freddie Pa. Masuli

Mangngaggos in San Nicolas, Ilocos Norte


Dr. Freddie Pa. Masuli, Friend, Me, Roy V. Aragon, Derick Marcel F. Yabes, Rolando Seguro, Narglon Utanes, Ronnie Es. Aguinaldo




Sunday, April 1, 2012

Panagsulbod


Manipud iti sabsabut ti niog

Nagpipintas man dagiti handicrafts manipud iti sabsabut ti niog (coconut shell) a nakaidisplay iti opisina ni Dr. Lina Madarang Garan, CEO ti Cagayan State University Sanchez Mira Campus. Wen, ipalagip dagitoy a handicrafts nga adu ti mabalintayo nga aramiden iti niog. Ket mabalin met nga ilako dagiti aramidentayo.





Thursday, March 29, 2012

APAYAO IPASINDAYAW

Daytoy ti maingipaneknek ti kinapintas, kinadalus ken kinaurnos ti Probinsia ti Apayao. (Photo credit: Facebook/Sarrah Oicangi)




Light, Camera, Action!