Thursday, December 17, 2015

Mga Biyaya ng baha sa araw ni 'Nona'

Dahil sa malakas at walang tigil na pag-ulan sa amin, Balingit, Pamplona, Cagayan, ito ang bunga - baha! Tulay iyang nakikitang semento. Karugtong iyan ng lubak-lubak na daan papasok sa amin (lalong lumaki ang mga lubak dahil sa pag-ulan.) Mula sa tulay hanggang sa may mga puno ng niyog, bukid iyan na nilunod ng maputik na tubig mula sa kabundukan sa kanluran. Kadalasan, sa buwang ito ay natamnan na ito ng palay. Sa kabutihang-palad ay wala pang tanim ang bukiring iyan kundi masakit na naman ang ulo ng mga magbubukid.



Adobong igat (Anguilla luzonensis)

Talangka (Varuna litterata)

'Birut' o 'bunog'

Lahat ng yan ay galing sa baha. Huli iyan ng isang lambat pangisda na inilagay sa may tulay.



Christmas Lanterns

Ang mga kalahok na christmas lanterns ng mga pupils sa Balingit Elementary School sa Balingit, Pamplona, Cagayan as of Dec 16, 2015. Sa December 19, 2015 ang Christmas Program. Sa araw na ito mapipili ang pinakamaganda, pinakacreative at pinakarecycled na parol. Saludo ako sa Teaching Staff ng BES.















Thursday, December 10, 2015

Olongapo City trip


High school ako noong makapunta ako sa Subic, Zambales. Naligo sa malinis na dagat at nag-window shopping sa Duty Free.

Mag-aala una ng umaga kahapon kami nakarating sa Pag-asa, Olongapo City." Ulo ng Apo' Dito nagmula ang pangalan ng lungsod. Makikita ang marker sa rotunda ng Bajac-Bajac.


Dito sa Murphy Street kami tumuloy. Dito raw sa street na ito ibinurol ang pinatay na transgender. 


6:OO am pa lang ay nagkakape na kami. Pagkatapos ay naghahakot na kami ng mga karga na maiuuwi. Kapansin-pansin na malinis ang lugar.


6:OO am pa lang ay nagkakape na kami. Pagkatapos ay naghahakot na kami ng mga karga na maiuuwi. Disiplinado din ang mga motorista. Walang akong napansing nag-oovertake na traysikel sa kanan.

 
Subic, Zambales. Mapapahanga ka sa kalinisan  ng lugar.

Ako pa rin ang nagmamaneho kaya bihira akong makakuha ng pictures. At hindi ko rin nakunan ang maasul at malawak na baybayin ng Subic.

Sa Zambales na kami dumaan pauwi. Mas malayo pero wala naman kaming nadaanang trapik. Kuha ito sa San Narciso, Zambales. Dito kami huminto para miriendahin ang baon namin. Dito na rin kami nagtanong ng daan pauwi. Pareho naming Ilokano ang aming napagtanungan. Ganito ang traysikel nila dito.



Isang tulay sa bayan ng San Felipe. Akala ko ay dagat ang nasa ibaba subalit abo yata na marahil ay nagmumula sa Mt. Pinatubo. Tama kay ako?







Pasingit-singit pa rin ang pagpicture.


Ayan, malapit na kami sa Pangasinan




Sta. Cruz, Zambales



Dito kami huminto para maghapunan. Sta. Cruz pa rin.

Nung bagyong Lando raw ay umabot ang tubig hanggang sa bubong ng bahay na ito. Lahat daw ng mga alaga nilang hayop ay namatay sa pagkalunod.

Maalala ko, hindi man lang ako nakapag-Selfie sa Olongapo City. Okey na rin, nakainom naman ako ng beer at napakingkan ang "Ironic" ni Alanis Morissette, Canadian altenative rock singer-songwriter, guitarist, record producer at artista sa Slim. . .


Saturday, November 7, 2015

Camping ng mga boy at girl scouts

At nag-camping ang prinsesa at bunso ko.

Si Zandra sa kanilang tent.


Ito naman si Zachary sa harap ng kanilang tent.


Ready na sila sa parade.



Kantahan, sayawan at iba pang talent ng mga scouts.




Gustong mag-flip top pero hindi nasali kaya papogi na lang si bunso.


Si Ma'am Ely.


Sa kani-kanilang tent bago matulog.



Kinaumagahan, naglinis sila sa madamo at malubak na daan patungong National Road,


pati sa community garden.


At nag-flower girl si ate. Mga larawang kuha ni Gemma Ifurung. 2:00 pm ang sinabing umpisa ng program pero 2:20 pm na hindi pa nag-umpisa kaya umalis na ako. Umalis na ako at pumunta kami ng panganay ko sa Sanchez Mira para magpagupit.



Sash bearer naman si bunso.





Light, Camera, Action!